2013年9月26日 星期四

等待~雞尾包(少甜版)

老公出了門,月尾才回家!
女女忙著功課,也忙著為中國山區兒童籌款,很晚才回家!
每個晚上~等著女兒歸家,也等著老公每晚的回電……

知道我家大小近排無啖好食,上星期做了老公至愛雞尾包!

不過我同囡囡都好怕街食嘅饀太甜,所以做了少甜版~對我地黎講甜度啱啱好~yummy^^


















甜麵糰
高筋粉150g
低筋粉 50g
奶或水    95g
     30g
     40g
    半茶匙
速酵母 3/4茶匙
牛油   30g

雞尾包餡料:
雪凍牛油 40g (不要坐溶)
      20g
奶粉     10g
椰絲     25g
所有餡料拌勻,待用。
P.S.原食譜係牛油100g, 40g,奶粉10g, 吉士粉10g, 椰蓉20g,~牛油同糖嚇死人呀!

做法:
先將暖水加入依士粉,靜待2分鍾。
所有才料放在盤內(除牛油外) 稍搓,之後再加牛油搓至光滑有根性,要搓都麵糰不沾盤、不沾手同不沾枱面!
搓好的麵糰放在巳掃油的盤,封好保鮮紙,發酵45分鐘或至兩倍大。我會放麵糰入爐,再放一杯熱滾水入爐,形成一個温暖又潮濕嘅地方,咁麵糰會發得比軟及靚。

發起嘅麵糰會大約2倍,而且拎起手好軟熟好輕,裡面有好多空氣!這時要拍打
麵糰排氣,再分割6份!滾圓蓋上保鮮紙靜止10分鍾。


之後就是做型,將麵糰壓平,桿至鵝蛋型,麵糰摺1/3,放椰蓉在中間包合,摺口向下,一字排好放入焗盤,蓋上保鮮紙,再進行第二次發酵約30-40分鐘!臨焗前在麵包面掃蛋,打橫唧上沙律醬,再放上芝麻。



預熱焗爐180度,入爐掃焗20分鍾!


















熱辣辣香噴噴麵包出爐啦!





2013年9月16日 星期一

長氣~陳醋雲耳(附食譜)

仲以為女兒入了大學,大個女啦!唔駛理佢啦!自己便可以很輕鬆!
點知佢住唔到 hall,上學放學時間又唔定,日日都唔同,而且又鬼死咁多活動要join….
搞到我要好長氣地~日日問住佢幾點放學?返唔返黎食飯?駛唔駛留飯?
真係問到口臭 =.=



陳醋雲耳易做、好味又留得,阿女幾時回來食都得喇 ^^

陳醋雲耳


















雲耳一大把清洗濕軟,去蹄(頂頂硬身的部份) ,用大滾水焯雲耳2分鐘,即沖凍水或冰水(這動作要即做,雲耳至爽口的) ,澀乾水份,用抹手紙索乾,備用。
杞子適量,清洗後用大熱水浸開,浸軟之後隔水留用 (不用煮)
芝麻適量,白鑊炒香備用
預備一些葱粒

調味汁:
鎮江甜醋 - 67湯匙
黑醋     - 23湯匙
生抽     - 2湯匙
砂糖     - 2.5-3湯匙
熱水     - 1湯匙
麻油     - 1茶匙






















1湯匙熱水與糖開溶,再加埋其他調味料拌勻,試味!可因應個人口,略加減份量來調較酸甜度。
將汁料拌入雲耳及杞子,放入雪拒雪凍約幾小時至過夜,食時灑上芝麻及葱粒。



















酸酸甜甜又爽口~ Yummy!

2013年9月11日 星期三

計劃~秘製豉汁

今天很忙啊!
忙著計劃去旅行~長線!短途!
忙著上網訂機票!
忙著報團!
忙著看人家旅遊網誌,揾酒店摷資料!


老公話:你忙忙忙…..都無一樣係忙揾錢?全部都係駛錢錢 >.<

















女兒很愛吃蒸魚,由其是用這個醬汁蒸魚,可以抓一大碗白飯!

豉汁做法:
豆豉洗淨,一半豆豉舂碎,一半原粒。
蒜頭(我喜歡用獨子蒜,很香)切碎,薑切絲。
將所有材了加入碗內,加大半茶匙糖,一茶匙粟粉,一湯匙蠔油拌勻。

將魚洗正抹乾,碟底墊上幾條粗條薑絲,作用是托起魚身,讓蒸魚時蒸氣可穿過魚底,成條魚熟嘅程度均等。
將豉汁醬一大匙放入魚肚,其他舖上魚面。
大水滾後,放魚大火蒸,至於時間就視乎魚的大細及煮食爐的火力,其實蒸多幾次就掌握到時間。
蒸好後淋上生抽,倒少少熱滾油,灑上葱粒,便可上碟。

2013年9月9日 星期一

出走~餐肉包(附食譜)

踏入9月,一早起來感覺了涼凉秋意,好舒服啊!
係時候要出外走,要好好看看這個世界!所以 plan了多個行程遊走各地,有長途也有短途!
襯還有時間,就要焗多啲包包!
老公至愛的餐肉包包^^

高筋粉150g
低筋粉 50g
奶或水    95g
     30g
     25g
    半茶匙
速酵母 3/4茶匙
牛油   25g

先將暖水加入依士粉,靜待2分鍾。
所有才料放在盤內(除牛油外) 稍搓,之後再加牛油搓至光滑有根性,要搓都麵糰不沾盤、不沾手同不沾枱面!
搓好的麵糰放在巳掃油的盤,封好保鮮紙,發酵45分鐘或至兩倍大。我會放麵糰入爐,再放一杯熱滾水入爐,形成一個温暖又潮濕嘅地方,咁麵糰會發得比軟靚。

發起嘅麵糰會大約2倍,而且拎起手好軟熟好輕,裡面有好多空氣!這時要拍打麵糰排氣,再分割4-5份!滾圓蓋上保鮮紙靜止10分鍾。

之後就是做型,將麵糰壓平,桿至鵝蛋型,放餐肉在中間包合,摺口向下,放入焗盤,蓋上保鮮紙,再進行第二次發酵約30-40分鍾!臨焗前在麵包面掃蛋,中間一刀,原刀位放上芝麻,再打橫唧上沙律醬。

預熱焗爐180度,入爐掃焗20分鍾!

熱辣辣香噴噴麵包出爐啦!

P.S. 如有麵包機,先將水及蛋液放入鍋裡,再放粉類,跟住再放糖,鹽,依士粉(依士粉事前不用用水開溶) ,再機搞伴一下,中途加入切小粒牛油,直接搞伴完畢,取出稍搓放入已掃油的盤發酵,之後跟上面做法就可以了。




2013年9月6日 星期五

終結~開始

聚有時,散有時!
雖然不捨,但始終有開始亦有終結!
祈盼有願再聚!


敬啓者:
本人喬遷至以下網誌
michellefung724.blogspot.com

試業三天,雖然有些不知所措,甩甩漏漏!還是很歡迎各界叔伯兄弟、義氣仔女、家庭煮婦、男女老友及一眾靚仔靚女到來探訪或交個朋友!


本人會盡力拔走懶筋,努力寫寫寫and 煮煮煮,同大家分享煮食心得及旅遊記趣
希望不久將來能夠繼續同大家嘻嘻哈哈吹吹水!


此致
好好過日子

2013年9月5日 星期四

挑起~芝士芝麻軟包






開了新blog,無理由唔用下架?
點都要記錄些-什麼都好!就係對佢產生好奇,反而挑起我寫返網誌嘅興趣喎!
~從新出發,希望我keep住勤勤力力俾心機去寫食譜,同大家分享下^^

朋友去瑞士旅行送我美味軟芝士,我就用黎做麵包啊!
高筋粉150g
低筋粉 50g
     100g
     30g
     25g
    半茶匙
速酵母 3/4茶匙
牛油   30g

先將暖水加入依士粉,靜待2分鍾,
所有才料放在盤內(除牛油外) 稍搓,之後再加牛油搓至光滑有根性,要搓都麵糰不沾盤、不沾手同不沾枱面!
搓好的麵糰放在巳掃油的般,封好保鮮紙,發酵45分鐘或至兩倍大。我會放麵糰入爐,再放一杯熱滾水入爐,形成一個温暖又潮濕嘅地方,咁麵糰會發得比軟靚。

發起嘅麵糰會大約2倍,而且拎起手好軟熟好輕,裡面有好多空氣!這時要拍打麵糰排氣,再分割4-5份!滾圓蓋上保鮮紙靜止10分鍾。

之後就是做型,將餡料包入麵糰到放入焗盤,蓋上保鮮紙,再進行第二次發酵約30-40分鍾!

預熱焗爐180度,臨入爐掃上蛋液,焗18分鍾!
熱辣辣香噴噴麵包出爐啦!

2013年9月3日 星期二

摸索~泰式柚子蝦沙律




新Blog 仍在摸索中,有啲暈@~@

這個泰式柚子沙律看似簡單,實質鬼死功夫,不過真係好好味,酸酸辣辣又juicy, 有興趣不妨試做!

食譜如下:
泰國金柚 - 1個,青芒果  - 1個(大), 蕃茄仔 - 10數粒, 其實也可加青瓜片,海蝦隨個人喜歡多少。
沙律汁 : 片糖用小小熱水開溶,柚子蜜又用小小水開溶,辣椒一隻去籽切碎,蒜蓉1粒切碎,泰式雞醬3大湯匙,魚露2-3湯匙,青檸汁1-2個搾汁。
撒面 : 蝦米白鑊炒香切碎,椰蓉白鑊小火炒香,蒜茸及乾葱茸用油炸香用抹手紙索乾油,還要預備芫荽碎及葱花!

做法 :柚子起用撕成碎塊,芒果起用切條,蕃茄仔切半,放在一起拌勻。
            海蝦去殼洗淨,用一煲滾水加入薑,葱頭葱尾,鹽及胡椒,香葉稍煲下,放蝦焯
           數分鐘沖凍水/冰水抹乾。
           將所有食材放在器皿稍雪一下,食時淋上沙律汁及灑上花生碎,蝦米碎,乾葱碎,椰  蓉及葱花碎。

P.S. 其實味道可因應個人口味調較,想辣D就加辣椒,想酸D就加檸檬汁,想濃味D就加多野泰式雞醬!

2013年9月2日 星期一