自由自在台北行

日期 : 29/11/2013 至 2/12/2013

行程 : 隨心隨意在台北行走，唯一要求是要住特色民宿！

自從去了 9 天俄羅斯，由朝遊到晚，跟住導遊走~困手困腳！

更加想來一轉自由行！

好耐之前試過一次曼谷自由行，那次行程篇得唔好，好hea~ 去完都唔知自己去過邊？

台灣！我handle 到！go go go ^^

首先揾〝腳〞！原本找來兩個美少女同行，連機票都訂好！

可惜突然間其中一位請唔到假，另外一位就陪去改日期，我同老公因為12月又約了其他朋友去貴州，所以改唔到……

正諗住只得我兩公婆自己去之際，另一家嘅老朋友又有興趣去玩！非常Good 呀！所以一拍即合，我地一行五人去玩囉！

訂機票，篇行程，book 車，揾酒店，揾民宿！

航空公司訂咗長榮，貪佢有一程可以坐 Hello Kitty 機，而且平，航班時間又好！

原來台北酒店同民宿都幾 full 喎！揾咗幾間合心水的都因爆滿而訂不到！

最後揾咗呢間民宿〝山中威尼斯〞並落實頭兩晚住呢間↓

連行程及book 車都係民宿主人幫我地搞，輕鬆好多^^

當然我都有去圖書館借幾本旅遊書去刨下啦！有些概念去邊同有乜好食嘛！

上網睇人家嘅遊記更加唔少得啦！

其實這民宿都幾遍遠，在台北火車站要坐火車去雙溪站都要坐ｌ個小時多一些！

由於民宿在山上，所以民宿住人 Fanny 要駕車接我地上山，車程大約10分鐘。

不過這裏環境不錯呀！週邊環境很清幽，山清水秀，在山上空氣也特別好啊！

而且Fanny 好好人，他們養的小狗狗超級可愛！

她將民宿打造成好似公主住的漂亮房間！清靜、乾淨、床舖舒服有暖氣，我們都很滿意呢！

雖然第一天去民宿感覺好像遠一點，但其實這地點好近平溪、九份、金瓜石那些景點！對於我們第二天要車遊平溪及九份就方便很多呀！不用花太多時間在車程上，其實時間上計落是一樣吧！

天大地大俄羅斯~Day 8 /Day 9

在俄羅斯的最後一天，清晨有陽光呀！

太陽先生，你好！很久不見^^

其實我地係坐成晚上8點幾嘅飛機回香港！本應可以輕輕鬆鬆慢遊最後兩個景點！但因莫斯科塞車超級嚴重，所以要預留好多好多時間去坐車！

所以食完午餐後便要預成三個小時往機場。

首先去莫斯科大學 (外觀) ~好靚！

再遠眺莫斯科全景

跟住就去睇一個俄國軍事博物館。

外圍好靚！

但裡面我唔鍾意睇~好共產！

不過買手信不防在這裏買，比出面平一點！

天氣真好！

午餐後便出機場，真係好鬼塞車呀！

咁大個國家，交通網絡幾十年不變@x@

我都比預期早了一點到機場！

搞掂晒~行下 Duty Free，飲杯 coffee 先上機囉~

第九天到港 ~回家後好好地睡了一覺！

俄羅斯九天遊記寫完了。

我會用這三個字總結〝完〞〝緣〞& 〝原〞

第一個〝完〞係〝完滿結速〞：行程方面尚算順利，天氣方面尚萛不錯，總括黎講都沒有什麼意外。

第二個〝緣〞係〝緣份〞：能夠一班朋友可以一齊旅行一齊玩真係好難得。就算今次我嘅同房朋友令我無覺好瞓！但我明白佢都唔想嘅~其實佢好好人，某程度上都幾照顧我架！下次如果唔同房，都可以再一齊再去玩~哈哈！

第三個〝原〞係〝原諒〞：相處九天，而且日對夜對！我可能會得罪咗人都不自知！如果有乜激親你地，請大家多多包涵 ~ 唔好嬲呀！^^

天大地大俄羅斯~Day 7

這夜~旅伴食了一粒安眠藥，佢瞓得好好！

好到~全晚超級大鼻鼾，個頻率時高時低，音率時大時細，不同節奏，變化萬千….

而我~唉………

唔同要對窗望街境望天光？？？

望望下好肚餓，靜雞雞煲水整個杯麵食先！點知我正想食嘅時候，我旅伴突然醒咗話我個杯麵太香，搞到佢醒咗，佢又要食~嘻嘻！

兩隻為食貓一路食，一路傾，咁就過咗這夜！

食完早餐便要離開古城，坐內陸機返回莫斯科繼續行程！

落機後坐兩個鍾頭車去食午餐！

餐廳幾有特色！

食品都唔錯！

磨菇湯好正呀~

跟住是另一個自費項目 : 遊” 莎哥斯基古城” – US$60！

我之前上網睇話這個古城” 唔去無損失” ，所以我地都無幫襯！在外面影影相便算！

自由行~行下街，試下當地麥當勞嘅咖啡及小吃！

後來啲團友讚我地唔幫襯，好精明呀！原來古城內進行緊維修保育，好多建築物都冚住咗！睇唔到幾多…..

是日晚餐~中菜！

這晚我都食了一粒安眠藥，一於同我同房鬥快瞓~

Wow~這晚瞓得好冧！好正呀！