自由自在台北行 – Day 2 (A)

話就話隨心随意去遊走……. 但我份人邊有咁瀟灑吖！

再加上我又驚我的朋友們，唔知佢地邊樣啱玩？邊樣啱食？…….( 雖然佢地係好無所謂、好隨和嘅人)

但我都係穩陣點，做了一張好似旅行社嘅行程表俾佢地過目！

仲揾定晒出名食府......

火車班次

捷運路綫圖等等…..

我這個儍更更嘅舉動，竟然俾佢地大讚我夠細心又貼心喎！哈哈！

而且還說我安排得好好！令佢地相信此行會玩得開心又放心^^

經過第一天在不急趕的旅途上，到達民宿之後，先和好朋友談談笑笑話當年，很歡愉的一個晚上！

再加上睡在這又温暖又漂亮的床舖上，瞓得又香又甜，精神晒！

同好子去旅行有個好處！大多數時侯都是放晴天啦！

這天天氣好好呀！不凍不熱不曬！

再加上我地遇到大好人的包車司機！太好啦！

民宿主人先為我們送上早餐(早餐得個包 &咖啡，雖然好味但就單調了一點)

食完之後就跟據我地想去的境點，大好人司機就車我地去！

出發啦！Yeah！

第一站先去平溪放天燈！離民宿好近，20分鍾車程就到！

左下角格仔衫就是大好人司機先生

早上去，光線很柔和，幫朋友一家拍了不少靚相！

在於我來講，我不大喜歡放天燈，感覺好像很不環保！

不過朋友的女兒剛遇上意中人，少女心事 ~ 當然希望得到祝福啦！

還留下一面給我寫！uhhhhhh ~ 就寫〝好好過日子〞啦^^

自由自在台北行

日期 : 29/11/2013 至 2/12/2013

行程 : 隨心隨意在台北行走，唯一要求是要住特色民宿！

自從去了 9 天俄羅斯，由朝遊到晚，跟住導遊走~困手困腳！

更加想來一轉自由行！

好耐之前試過一次曼谷自由行，那次行程篇得唔好，好hea~ 去完都唔知自己去過邊？

台灣！我handle 到！go go go ^^

首先揾〝腳〞！原本找來兩個美少女同行，連機票都訂好！

可惜突然間其中一位請唔到假，另外一位就陪去改日期，我同老公因為12月又約了其他朋友去貴州，所以改唔到……

正諗住只得我兩公婆自己去之際，另一家嘅老朋友又有興趣去玩！非常Good 呀！所以一拍即合，我地一行五人去玩囉！

訂機票，篇行程，book 車，揾酒店，揾民宿！

航空公司訂咗長榮，貪佢有一程可以坐 Hello Kitty 機，而且平，航班時間又好！

原來台北酒店同民宿都幾 full 喎！揾咗幾間合心水的都因爆滿而訂不到！

最後揾咗呢間民宿〝山中威尼斯〞並落實頭兩晚住呢間↓

連行程及book 車都係民宿主人幫我地搞，輕鬆好多^^

當然我都有去圖書館借幾本旅遊書去刨下啦！有些概念去邊同有乜好食嘛！

上網睇人家嘅遊記更加唔少得啦！

其實這民宿都幾遍遠，在台北火車站要坐火車去雙溪站都要坐ｌ個小時多一些！

由於民宿在山上，所以民宿住人 Fanny 要駕車接我地上山，車程大約10分鐘。

不過這裏環境不錯呀！週邊環境很清幽，山清水秀，在山上空氣也特別好啊！

而且Fanny 好好人，他們養的小狗狗超級可愛！

她將民宿打造成好似公主住的漂亮房間！清靜、乾淨、床舖舒服有暖氣，我們都很滿意呢！

雖然第一天去民宿感覺好像遠一點，但其實這地點好近平溪、九份、金瓜石那些景點！對於我們第二天要車遊平溪及九份就方便很多呀！不用花太多時間在車程上，其實時間上計落是一樣吧！