2013年10月16日 星期三

天大地大俄羅斯~Day1


 2013104出發往旅行,參加了美麗華旅行社之俄羅斯九天行程!














由於我地超早就報名(20/6/2013) ,所以得到了好多優惠,相比起其他的團友平成千幾至兩千蚊有多,如果可以話,早些計劃及安排,除了可以有充裕時間,團費都會平好多喔!
九天團費+保險+機場稅燃油附加費+領隊小費 = HK$15,479.00                              
參加了其中兩個自費項目 = $90美金 (HK$700.00)
買手信加飲飲食食用了 = $100美金 (HK$780.00)
























這個團可以用超值加累到爆黎形容,因為真係好多野睇,簡直用〝目不暇給〞黎形容!
除咗Day 1 及最後一天時間上鬆動點,其他時間都是不停地走走看看喔!
如果你喜歡看文化藝術、文化歷史、歷史性建築物、皇宮、博物館….. 你一定會很喜歡呢!
Day1                                                                                                                 
早上830分機場集合,乘坐俄羅斯航空1055分機飛莫斯科!

















全團共31 (這人數唔太多人,坐車也鬆動點~唔錯、唔錯^^)
男領隊,帶團去了好多次俄羅斯,人太老練,看上去有點奸!
第一次坐俄航,朋友說俄航無電影睇……       
點會呀?長途機坐成差不多11小時……
上機後見到每個坐位背後有電視屏幕,好開心呀!我最鍾意坐飛機看電影(平時無時間睇影碟),睇三幾套電影、睇下八卦雜誌、食幾餐再加埋瞓一陣,去下廁所~十幾小時航程好易過啫^^

點知航機起飛後,屏幕無反應,空姐無派耳機~原來真係無電影睇架!頂…….
連燈制都無獨立的,食完第一餐就熄晒燈,想睇下雜誌都唔得!K > <
仲有就係起機後派一個餐(飛機餐味道都唔錯) ,跟住就係臨落機兩小時前至有另一餐食,中段個67個鐘係無野食(我見有人帶杯麵、月餅……………..我自己就帶咗件蛋糕),連飲品都係自己問佢攞架!
日頭機又瞓唔著,唯有同人吹水啦!
















到了俄羅斯首都莫斯科啦!當地時間下午5點幾 (俄羅斯比香港慢4小時)
落機後過關都好快,有個俄國美女做我地莫斯科導遊,佢說普通話的,我地本身普通話已經唔叻,而佢講嘅普通話就好似~獎門人節目裡嘅超級無敵估歌仔咁….
你話點會聽得明啦!


















跟住就先去食晚餐(中菜) 再回酒店!

















這間 KATENHA Hotel, 連續住兩晚,乾淨企理,房內雪櫃裡的飲品零食全部免費,食唔晒可帶走,第二天酒店曾再 refill 晒啲零食入去!好筍呀^^
早餐係西式自助餐,款式唔似東南亞酒店咁多款,但咖啡好靚,果汁好飲、麵包芝士、乳酪、火腿、腸仔、蘑菇樣樣都好好食!



8 則留言:

  1. 拿拿拿,第日有筍團記得預埋我呀!

    回覆刪除
  2. 俄羅斯 9 天團,團費祇 HK$15,479.00 全包 (自費除外) ,真喺好抵玩,早報名的確有很多著數!

    回覆刪除
  3. 係呀!威龍兄如果你有機會去,有個別自費唔參加都得!無乜特別!

    回覆刪除
  4. 團費好抵呢, 膳食ok嗎?
    佢地歐洲機真係好鬼k型, 上機食完要等到落機前先再食第二餐, 仲要係差不多落機時間, 同埋只係個輕食.

    回覆刪除